විද්‍යාලෝක මහ පිරිවෙනෙන් සිසුන්ට අතිරේක පොත් ප්‍රදානය

අපි වෙනුවෙන් අපි වැඩසටහන යටතේ, විද්‍යාලෝක මහ පිරිවෙනේ පරිවෙනාධිපති පූජ්‍ය වතුගෙදර සංඝරතන නාහිමියන්ගේ මූල්‍ය වියදමින්, එක ශ්‍රේණියේ සිට පහ ශ්‍රේණිය දක්වා අධ්‍යාපනය ලබන ගිහි හා පැවිදි සිසුන් සඳහා අතිරේක පොත් ප්‍රදානය කිරීමේ උත්සවයක් සාර්ථකව පැවැත්වුණි.

මෙම මහඟු සමාජ සත්කාරක වැඩසටහන, විද්‍යාලෝක මහා පිරිවෙනේ කෘත්‍යාධිකාරී නාහිමිපාණන් වහන්සේගේ ප්‍රධානත්වයෙන් සංවිධානය කර ඇති අතර, අනාගත පරපුරේ අධ්‍යාපන ගුණාත්මකභාවය ඉහළ නැංවීමේ අරමුණින් මෙම කටයුතු සිදුකරන ලදී.

මෙම වැඩසටහන සඳහා රුපියල් 20,000/= ක මුදලක් වැය කරමින්, සිසුන්ගේ අධ්‍යාපන කටයුතු සඳහා වැදගත් අතිරේක පොත් ලබාදීම සිදුකළ අතර, එය දරුවන්ගේ ඉගෙනුම් හැකියාවන් වර්ධනයටත්, අධ්‍යාපනික ජීවිතයට නව උද්යෝගයක් ලබාදීමටත් මහත් දායකත්වයක් විය.

මෙවැනි සමාජහිතකාමී වැඩසටහන් මගින්, ආගමික හා සමාජ වගකීම එකට එක් කරමින්, දරුවන්ගේ අනාගතය සුරක්ෂිත කර ගැනීම සඳහා විද්‍යාලෝක මහ පිරිවෙනෙන් සිදුකරන සේවය අගය කළ යුතු කාරණාවක් ලෙස සමාජය පුරා ප්‍රශංසා ලබමින් පවතී