පිරිවෙන් අධ්‍යාපන වාර දින දර්ශනය 2026

විශේෂ උපදෙස් සහ චක්‍රලේඛ නිවේදන

• 2025.09.11 දිනැති අංක 30/2025 දරණ චක්‍රලේඛයට හා 2025.12.09 දිනැති ED/09/12/06/05/01 සංශෝධිත ලිපියට අනුකූලව වාර සටහන ක්‍රියාත්මක වේ.
• විභාග කාලසීමාවන් (O/L, A/L) අනුව විශේෂ වැඩසටහන් පවත්වන දින ආයතන මට්ටමින් සංශෝධනය කරගත යුතුය.
• 2026 වර්ෂයට අදාළ ලේඛන ජනවාරි 30 වන දිනට පෙර සහකාර / නියෝජ්‍ය අධ්‍යාපන අධ්‍යක්ෂ (පිරිවෙන්) වෙත ඉදිරිපත් කොට අනුමැතිය ලබාගත යුතුය.
• මාසික ඇගයීම් සිදු කර සිසු ප්‍රගතිය අනිවාර්යයෙන් සමාලෝචනය කළ යුතුය.
• වාර විභාග ඇගයීම් ලකුණු වාර නිවාඩුව ආරම්භ වීමට පෙර සිසුන්ට ලබා දීමට කටයුතු කළ යුතුය.
• පළමු වාර නිවාඩුවට පෙර පිරිවෙන් සංවර්ධන අරමුදල් හා පාලක සභා රැස්වීම් පවත්වා වාර්ෂික අයවැය අනුමත කරවා ගත යුතුය.
• ගුරු සිසු උපන්දින නිමිති කරගෙන පැළයක් සිටුවීමේ ව්‍යාපෘතිය නියාමනය සඳහා පරිසර නියමු සංගමයක් පිහිටුවිය යුතුය.
• වාර්ෂිකව එක් දිනයක් සියලු පාර්ශවකරුවන් (සිසුන්, ගුරුවරුන්, භාරකරුවන්) සහභාගී කරවාගෙන ආධ්‍යාත්මික සංවර්ධන වැඩසටහනක් පැවැත්විය යුතුය.
• ගාථා හා සූත්‍ර සජ්ඣායනය සම්ප්‍රදානුකූලව පුහුණු කළ යුතු අතර කඨින චීවර මාසයේදී ශිෂ්‍ය හිමිවරුන් විසින් පවත්වන පරිත්‍රාණ දේශනයක් සංවිධානය කළ යුතුය.
• වාර්ෂික අධ්‍යාපන චාරිකාව විශේෂ නිවාඩු දිනවල යොදාගත යුතු අතර ඒ සඳහා ප්‍රාදේශීය/පළාත් පිරිවෙන් අධ්‍යක්ෂ අනුමැතිය ලබාගත යුතුය.
• රෝගීන්ට උපකාර කිරීමේ සහ ප්‍රජා සබඳතා වර්ධනය කිරීමේ ප්‍රජා සත්කාරක වැඩසටහනක් වාර්ෂිකව ක්‍රියාත්මක කළ යුතුය.
• පාලක සභාව හෝ කෘත්‍යාධිකාරී හිමි විසින් වාර සටහනේ දින සංශෝධනය කරන්නේ නම් ඒ පිළිබඳව පිරිවෙන් අධ්‍යක්ෂ වෙත වාර්තා කළ යුතුය.
• සියලු වාර සටහන් ක්‍රියාකාරකම් නියෝජ්‍ය/සහකාර පිරිවෙන් අධ්‍යක්ෂවරුන් සහ ගුරු උපදේශක මණ්ඩලය විසින් අධීක්ෂණය කරනු ලැබේ.
• සුවිශේෂී හේතුවක් මත පිරිවෙන නොපැවැත්වෙන දින සඳහා අනිවාර්යයෙන් හිලව් සැසි පැවැත්විය යුතුය.
• 2026 අධ්‍යයන වර්ෂයට නියමිත සම්පූර්ණ සැසි ගණන දින 189 කි.
• 1979 අංක 64 දරන පිරිවෙන් අධ්‍යාපන පනත හා 1980 අංක 01 දරන නියෝග මාලාව අනුව පරිපාලන කටයුතු කළමනාකරණය කළ යුතුය.